काठमाडौँ। नेपाली बजारमा आज सुनको मूल्यमा वृद्धि भएको छ । निरन्तर तीन दिनसम्म घटेको सुनको मूल्य आज भने बढेको हो ।
आज सुन तोलामा ४०० रुपैयाँले उकालो लागेको हो । नेपाल सुनचाँदी व्यवसायी महासंघका अनुसार आज छापावाला सुनको मूल्य एक लाख ४६ हजार १०० रुपैयाँमा कारोबार भएको छ ।
त्यस्तै आज तेजावी सुनको मूल्य एक लाख ४५ हजार ४०० रुपैयाँमा कारोबार भइरहेको छ। यता, चाँदी पनि तोलामा १० रुपैयाँले बढेको छ । सोमबार चाँदी प्रतितोला एक हजार ७५० रुपैयाँमा कारोबार भइरहेको महासंघले जनाएको छ ।
