काठमाडौँ । कामना सेवा विकास बैंकले ७३ हजार ८४१ कित्ता संस्थापक सेयर बिक्रीमा ल्याएको छ ।
यसमा बैंकका विद्यमान अन्य संस्थापक सेयर धनीले आवेदन दिन सक्नेछन्। सेयर खरिद गर्न इच्छुक संस्थापक सेयर धनीले आजबाट ३५ दिनभित्र आवश्यक कागजपत्रसहित बैंकको केन्द्रीय कार्यालय ज्ञानेश्वर,काठमाडौँमा निवेदन दिनुपर्नेछ ।
आवेदकले आफूले खरिद गर्न चाहेको सेयर सङ्ख्या खुलाएर आवेदन दिनुपर्ने बैंकले जनाएको छ।
तोकिएको समयमा संस्थापक सेयर धनीबाट सेयर खरिद गर्न निवेदन नआएमा प्रचलित कानुन बमोजिम अन्य लगानीकर्तालाई सेयर बिक्री गर्ने बैंकले जारी गरेको सूचनामा उल्लेख छ ।
