काठमाडौँ । गरिमा विकास बैकले ४ लाख २६ हजार ९९० कित्ता सेयर बिक्रीमा ल्याएको छ । सेयर धनीहरूको नाममा रहेको उक्त कित्ता सेयर बिक्रीमा ल्याएको हो ।
सेयर बिक्रीको लागि पहिलो प्राथमिकतामा संस्थापक सेयरधनीहरुलाई दिइएको छ । सेयर सेयर खरिदका लागि संस्थापक सेयर धनीहरूले आजदेखि ३५ दिनभित्र विकास बैंकको प्रधान कार्यालय लाजिम्पाट, काठमाण्डौमा खरिद गर्न चाहेको सेयर विवरण खुलाई आवश्यक कागजात सहित निवेदन पेश गर्नुपर्ने छ ।
उपरोक्त म्यादभित्र हाल कायम संस्थापक शेयर धनीमध्येबाट आंशिक - सम्पूर्ण शेयर खरिदको लागि निवेदन प्राप्त नभएमा बिक्री नभएका उपरोक्त सेयरहरू नियमानुसार अन्य व्यक्ति वा संस्थालाई बिक्री गर्न आवश्यक प्रक्रिया बढाइने बैंकले एक सूचना मार्फत जनाएको छ ।
