काठमाडौं । चालु आर्थिक वर्षको पहिलो चार महिनामा कुल १३ अर्ब ४० करोड ४८ लाख ७० हजार रुपैयाँको ८ लाख २७ हजार ९२५ थान स्मार्टफोन आयात भएको छ ।
जसबाट सरकारले २ अर्ब ४९ करोड ९७ लाख ७ हजार रुपैयाँ राजस्व उठाएको छ । भन्सार विभागले सार्वजनिक गरेको तथ्याँक अनुसार गत आर्थिक वर्षको यसै अवधिमा कुल ७ लाख ७१ हजार ३२६ थान स्मार्टफोन आयात भएको थियो ।
विभागको तथ्याँक अनुसार गत आर्थिक वर्षको पहिलो ३ महिनामा ११ अर्ब ५३ करोडको फोन आयात भएको हो ।
गत चैतसम्म विभिन्न मुलुकबाट ६ लाख ५५ हजार ६३१ थान स्मार्ट फोन ९ अर्ब ८३ करोड २८ लाख ९८ हजमार रुपैयाँमा आयात भएको थियो ।
विभागको तथ्याङ्क अनुसार नेपालमा सबैभन्दा बढी चीनबाट मोबाइल आयात भएका छन् । चीनबाट मात्रै कार्तिकसम्म्मा ९ अर्ब १९ करोड रूपैयाँ बराबरको ६ लाख ११ हजार ९९७ थान स्मार्टफोन भित्रिएका छन् ।
त्यस्तै दोस्रोमा भारतबाट ४ अर्ब २ करोड ८४ लाख रूपैयाँको २ लाख १३ हजार ४९ थान मोबाइल आयात भएका छन् ।
