काठमाडौँ । आज क्रिसमस डे विश्व भरी भव्यताको साथ यस पर्वलाई इसाई धर्मालम्बीहरुले मनाइ रहेका छन् । क्रिसमस डे को अवसरमा अत्यधिक ट्रि लाइटको प्रयोग हुँदै आएको छ ।
चालु आर्थिक वर्षको ५ महिनाको समयमा ९ करोड बराबरको क्रिसमस ट्रि लाइट आयात भएको छ। २०८१ साउनदेखि मङ्सिर मसान्तसम्ममा ९ करोड २६ लाख ५९ हजार रुपैयाँको ८ लाख १४ हजार थान क्रिसमस ट्रि लाइट आयात भएको भन्सार विभागले जनाएको छ ।
यस अवधिमा सबैभन्दा बढी चीनबाट ट्रि लाइट आयात भएको छ। चीनबाट ८ करोड ६४ लाख ३२ हजार रुपैयाँको ६ लाख ७४ हजार ४१ थान क्रिसमस ट्रि लाइट आयात भएको छ । यस्तै कतारबाट ३२ हजार रुपैयाँको २३९ थान , बहराइनबाट ११ हजार रुपैयाँको १२२ थान ट्रि लाइट आयात भएको भन्सार विभागको तथ्यांकमा उल्लेख छ ।
साथै हङकङ, साउदी अरेबिया ओमानलगायतका ७ मुलुकबाट ५ महिनाको अवधिमा १६ हजार रुपैयाँको ९५ थाल क्रिसमस ट्रि लाइट आयात भएको तथ्यांकमा उल्लेख छ ।
