काठमाडौं । भोलि बिहीबार सिद्धार्थ बैंक, सर्वोत्तम सिमेन्ट र हाइड्रोइलेक्ट्रीसिटी इन्भेष्टमेन्ट एण्ड डेभलपमेन्ट कम्पनी लिमिटेड (एचआईडीसीएल)को लाभांश सुरक्षित गर्ने अन्तिम दिन तोकेका छन् ।
सर्वोत्तम सिमेन्ट र एचआईडीसीएलले पुस १२ गते र सिद्धार्थ बैंकले १४ गते बुक क्लोज गर्ने निर्णय गरेपनि सो दिन शुक्रबार र शनिबार परेकाले नेप्से बन्द रहने भएकोले भोली अन्तिम दिन भएको हो । यसैबीच सिद्धार्थ बैंकले चुक्ता पूँजीको ४ प्रतिशत नगद लाभांश (कर समेत) वितरणको प्रस्ताव गरेको छ । जसका लागि प्रस्तावित लाभांश पारित गर्न पुस २८ गते वार्षिक साधारणसभा बस्ने भएको छ ।
यस्तै सर्वोत्तम सिमेन्टले चुक्ता पूँजीको ७ प्रतिशत बोनस शेयर र ३ प्रतिशत नगद लाभांश (कर समेत) वितरणको प्रस्ताव गरेको छ । सर्बोत्तमले प्रस्तावित लाभांश पारित गर्न पुस २६ गतेको लागि साधारण सभा बोलाएको छ ।
यता एचआईडीसीएलले पनि चुक्ता पूँजीको ५.२५ प्रतिशत नगद लाभांश वितरण गर्ने घोषणा गरेको छ । यस कम्पनीले घोषित लाभांश पारित गर्न पुस २४ गते साधारण सभा बोलाएको छ।
