काठमाडौं । हकप्रद शेयर निष्काशनका लागि एकैपटक चार जलविद्युत कम्पनीहरुले नेपाल धितोपत्र बोर्डमा निवेदन पेश गरेका छन् । हकप्रद शेयर निष्काशनका लागि अनुमति माग्ने कम्पनीहरुमा लिबर्टी इनर्जी, ङादी ग्रुप पावर, आँखुखोला जलविद्युत र बरुण हाइड्रोपावर कम्पनी हुन् ।
आँखुखेला जलविद्युत चुक्तापुँजीको १ः१.५ अनुपातमा अर्थात १५० प्रतिशत हकप्रद शेयर निष्काशनको अनुमति मागेको छ।
त्यस्तै, बरुण हाइड्रोपावर र ङादी पावरले चुक्तापुँजीको १ः१ अर्थात १०० प्रतिशत हकप्रद निष्काशनको माग गरेका हुन् । बोर्डले अनुमति दिएपछि बरुण हाइड्रोपावरले १०० अंकित दरका कुल ५३ लाख ५८ हजार १५० कित्ता निष्काशन गर्नेछ । बरुण हाइड्रोपावरको हकप्रद विक्री प्रबन्धकमा आरबीबी मर्चेन्ट बैंकिङ रहेको छ । ङादी ग्रुप पावरले १०० रुपैयाँ अंकित दरका कुल १ करोड ८५ लाख १२ हजार ७९२.२३ कित्ता हकप्रद बिक्री गर्नेछ। ङादी ग्रुप पावरको हकप्रद विक्री प्रबन्धकमा सिद्धार्थ क्यापिटल रहेको छ ।
त्यसैगरी लिबर्टी इनर्जीले चुक्ता पुँजी ५० प्रतिशत अर्थात १ः०.५ अनुपातमा हकप्रद शेयर निष्काशनको अनुमति माग गरेको छ । कम्पनीले १०० रुपैयाँ अंकित दरका कुल ७५ लाख कित्ता हकप्रद आफ्ना शेयरधनीहरुलाई बिक्री गर्नेछ। कम्पनीको हकप्रद बिक्री प्रबन्धकमा प्रभु क्यापिटल रहेको छ।
