काठमाडौँ । स्थानीय बजारमा सोमबार सुनको मूल्य उल्लेखनीय रूपमा घट्दै तीन लाख रुपैयाँभन्दा तल झरेको छ। आजको कारोबारमा प्रतितोला ९ सय रुपैयाँले घटेसँगै सुनको मूल्य २ लाख ९९ हजार ९ सय रुपैयाँमा कायम भएको छ।
नेपाल सुनचाँदी व्यवसायी महासंघका अनुसार अघिल्लो दिन पनि सुनको मूल्यमा गिरावट आएको थियो। आइतबार मात्रै सुन प्रतितोला ८ हजार २ सय रुपैयाँले सस्तो हुँदै ३ लाख ८ सय रुपैयाँमा कारोबार भएको थियो।
आज १० ग्राम सुनको मूल्य २ लाख ५७ हजार ११५ रुपैयाँ निर्धारण गरिएको छ।
यसैबीच, चाँदीको मूल्य भने बढेको छ। सोमबार चाँदी प्रतितोला १० रुपैयाँले महँगिएर ४ हजार ९०५ रुपैयाँ पुगेको छ।
सुनको मूल्य घट्नुमा अन्तर्राष्ट्रिय बजारको प्रभाव मुख्य कारण रहेको छ। विश्व बजारमा सुनको मूल्य ०.३८ प्रतिशतले घट्दै प्रतिऔंस ४ हजार ३१३ अमेरिकी डलरमा कारोबार भइरहेको छ, जसको असर नेपाली बजारमा पनि देखिएको हो।
