काठमाडौं। एशियन लाइफ इन्स्योरेन्सले सेयरधनीलाई लाभांश घोषणा गरेको छ । कम्पनी सञ्चालक समितिको बैठकले गत आवको नाफाबाट लाभांश दिने र बिमा प्राधिकरणले तोकेको चुक्ता पुँजी पुर्याउन हकप्रद सेयर निष्कासन गर्ने निर्णय गरेको छ ।
त्यस्तै गत आवको नाफाबाट ७.७५ प्रतिशत बोनस सेयर दिने प्रस्ताव गरेको छ ।
बोनस सेयरका लागि २४ करोड ४५ लाख ३५ हजार ७९० रुपैयाँ छुट्याएको कम्पनीले कर प्रयोजनका लागि नगद स्वरुप १ करोड २८ लाख ७० हजार ३०५ रुपैयाँ छुट्याएको छ ।
त्यसैगरी हाल कम्पनीको चुक्ता पुँजी ३ अर्ब १५ करोड ५३ लाख ५१७ रुपैयाँ रहेको छ । बोनस दिएपछि ३ अर्ब ३९ करोड ९८ लाख ३६ हजार ३०७ रुपैयाँ हुनेछ।
प्राधिकरणले तोकेको ५ अर्ब पुँजी पुर्याउन ४२ प्रतिशत अर्थात १ः०.४२ अनुपातमा हकप्रद सेयर निष्कासन गर्ने निर्णय गरेको कम्पनीले जनाएको छ । कम्पनीको यो निर्णय बिमा प्राधिकरणले स्वीकृत गरेर आगामी साधारणसभाले पारित गरेपछि मात्रै कार्यान्वयन हुने भएको छ ।
