काठमाडौँ। वैशाख मसान्तसम्ममा जीवन बीमा कम्पनीहरूले २७ अर्ब ४५ करोड रुपैयाँ बराबरको प्रथम बीमाशुल्क आर्जन गरेका छन् । चालु आर्थिक वर्षको १० महिनाको अवधिमा जीवन बीमा कम्पनीहरूले माथि उल्लेखित रकम बराबरको नयाँ बीमा व्यवसाय भित्र्याउन सफल भएका हुन् ।
बीमा प्राधिकरणको तथ्यांक अनुसार हाल सञ्चालनमा रहेका जीवन बीमा कम्पनीमध्येमा वैशाख मसान्तसम्मको अवधिमा नेपाल लाइफले सबैभन्दा धेरै अर्थात् ६ अर्ब ८३ करोड रुपैयाँ प्रथम बीमाशुल्क आर्जन गरेको छ ।
त्यस्तै, दोस्रो स्थानमा रहेको नेशनल लाइफ इन्सोरेन्स कम्पनीले १० महिनाको अवधिसम्ममा ४ अर्ब ९ करोडको बीमा व्यवसाय भित्र्याउन सफल भएको छ ।
बीमा प्राधिकरणको तथ्यांक अनुसार यस अवधिमा सूर्य ज्योति लाइफले २ अर्ब ५ करोड रुपैयाँ, हिमालयन लाइफले १ अर्ब ९२ करोड रुपैयाँ, सिटिजन लाइफले १ अर्ब ५४ करोड रुपैयाँ, एशियन लाइफले १ अर्ब ३९ करोड रुपैयाँ, सानिमा रिलायन्स लाइफले १ अर्ब ३३ करोड रुपैयाँ आर्जन गर्न सफल भएको छ ।
साथै, यस अवधिमा रिलायबल नेपाल लाइफले १ अर्ब १८ करोड रुपैयाँ, मेट लाइफले १ अर्ब ११ करोड रुपैयाँ, प्रभु महालक्ष्मी लाइफले १ अर्ब ७ करोड रुपैयाा आइएमई लाइफले १ अर्ब ३ करोड रुपैयाँ, राष्ट्रिय जीवन बीमा कम्पनीले ९२ करोड रुपैयाँ र सन नेपाल लाइफले ८० करोड ५३ लाख रुपैयाँ प्रथम बीमाशुल्क आर्जन गर्न सफल भएका छन् ।
तालिकामा हेर्नुहोस्
