काठमाडौँ। लगातार तीन कारोबारका दिनसम्म ओरालो लागेको सुनको मूल्यमा आज बढोत्तरी आएको छ । नेपाली बजारमा आज सुनको मूल्य तोलामा एक हजार ४०० रुपैयाँले उकालो लागेको हो।
तोलामै उच्च अंकले मूल्यमा बढोत्तरी आएसँगै आज प्रतितोला एक लाख ६९ हजार ५०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
यता, चाँदीको मूल्य तोलामा २५ रुपैयाँले बढेको छ।
आज चाँदी प्रतितोला एक हजार ९४० रुपैयाँमा खरिदबिक्री भइरहेको छ। सुनको मूल्य बढ्ने कारण यथावत् रहेको कारण सुनको मूल्यमा थप बढ्ने महासंघले जनाएको छ ।
