एजेन्सी। चीनका एकजना ३५ वर्षीय युवाले लगातार ६ मिनेटसम्म मुखबाट पानीको धारा बगाएर विश्व कीर्तिमान कायम गरेका छन् ।
योसँगै मा हुइ नामका ती पुरुषले सबैभन्दा लामो समयसम्म मुखबाट पानी बगाएर गिनिज बुकमा नाम लेखाएका छन् ।
मा हुुइले यतिधेरै लामो समयसम्म मुखबाट पानीको धारा बगाए कि उनको त्यो समय यसअघिको रेकर्ड भन्दा करिब ६ गुणा लामो हो ।
यसअघि यो विधामा इथियोपियाका किरुबेल यिल्माको नाममा विश्व कीर्तिमान थियो र उनले ५६.३६ सेकेण्डसम्म मुखबाट पानी फ्याँकेर विश्व कीर्तिमान कायम गरेका थिए ।
जबकि मा हुइले ५ मिनेट ५१.८८ सेकेण्डसम्म मुखबाट पानीको धारा फ्याँके ।
यस्तो कीर्तिमान कायम गर्नका लागि मा ले साढे ४ लिटर पानी पिएका थिए । त्यसरी पिएको पानीलाई उनले बिस्तारै उघ्राउँदै मुखबाट बाहिर फ्याँके र त्यसमा मांशपेशीको अब्बल नियन्त्रण सावित गरे।
