काठमाडौं । सिद्धार्थ प्रिमियर इन्स्योरेन्सले आर्थिक बर्ष २०७९/८० को चौथो त्रैमासको वित्तीय विवरण प्रकाशन गरेको छ । कम्पनीले प्रकाशन गरेको वित्तीय विवरण अनुसार कम्पनीको अधिकांश सूचकमा बृद्धि भएको छ ।
२ अर्ब ८० करोड रुपैयाँ चुक्ता पूँजी भएको कम्पनीको जगेडा कोषमा ८९ करोड ५६ लाख रुपैयाँ संचिती रहेको छ । अघिल्लो आर्थिक वर्षको सोही अवधिमा ३९ करोड ७५ लाख रुपैयाँ थियो ।
समिक्षा अवधिमा कम्पनीले ३६ करोड ३५ लाख खुद नाफा आर्जन गरेको छ । अघिल्लो आर्थिक वर्षको सोही अवधिमा कम्पनीले ३६ करोड ४ लाख नाफा गरेको थियाे ।
समिक्षा अवधिमा कम्पनीले १ अर्ब १४ करोड ६ लाख रुपैयाँ खुद बीमा शुल्क आर्जन गरेको छ । अघिल्लो वर्षको यसै अवधिमा कम्पनील ७१ करोड ४३ लाख रुपैयाँ खुद बीमा शुल्क आर्जन गरेको थियो । अघिल्लो वर्षको तुलनामा कम्पनीको खुद बीमा शुल्कमा ५९ प्रतिशतले बृद्धि भएकाे हो ।
यस अवधिमा कम्पनीले ७९ करोड ८० लाख खुद दाबी भुक्तानी गरेको छ । अघिल्लो वर्षको यसै अवधिमा ४४ करोड ७ लाख गरेको थियो ।
समिक्षा अवधिमा कम्पनीको प्रति शेयर आम्दानी १८ रुपैयाँ ८४ पैसा रहेको छ । प्रति शेयर नेटवर्थ २२५ रुपैयाँ ९१ पैसा रहेको छ ।
