काठमाडौँ । उपप्रधानमन्त्री एवम् अर्थमन्त्री विष्णुप्रसाद पौडेलले नेपाल धितोपत्र बोड (सेबोन) को रिक्त रहेको अध्यक्ष पदमा चाँडै नेतृत्व आउने बताएका छन् । अर्थमन्त्री पुनले आज इपानले आयोजना गरेको एक कार्यक्रममा बोल्दै यस्तो बताएका हुन् ।
सेबोन लामो समयदेखि नेतृत्वविहीन हुँदा नीतिगत काम लामो समयसम्म रोकिएको सम्झना गर्दै निःस्वार्थपूर्ण तरिकाले चाँडै योग्य व्यक्तिलाई अध्यक्षमा छान्ने अर्थमन्त्री पौडेलले बताएका छन् ।
ऊर्जा उत्पादक संघ (इपानले) आयोजना गरेको अनलकिङ इन्भेष्टमेन्ट कार्यक्रममा फरक प्रसङ्गमा बोल्दै अर्थमन्त्री पौडेलले नेपालमा रहेका जलस्रोतको भरपुर सदुपयोग गर्नुपर्ने बताएका छन् ।
उनले नेपालमा उत्पादन भएको ऊर्जा आन्तरिक रूपमा नै खपत बढाउनुपर्ने बताए । ‘आन्तरिक रूपमा खपत भएर बचेको ऊर्जा मात्रै बेच्ने नीति सरकारले लिएको छ,’ जानकारी गराएका छन् ।
