काठमाडौँ। राष्ट्रिय स्वतन्त्र पार्टीका सांसद हरि ढकालले सरकारका कृषि मन्त्री चरम निन्द्रामा रहेको भन्दै व्यङ्ग्य गरेका छन् ।
आज आइतबार प्रतिनिधिसभाको शून्य समयमा बोल्दै सांसद ढकालले कृषि मन्त्री मस्त निद्रामा रहको भन्दै उनलाई ब्युँझाउन किसानका पशु चौपाया सिंहदरबारमा हुल्नुपर्ने हो र भन्दै प्रश्न गरेका छन् ।
कृषि मन्त्रीले किसानका लागि कुनै काम गर्न नसकेको ढकालको टिप्पणी छ । उनले भने– ‘प्रणय बन्धनका प्रेमिल भन्दा पनि बढी यो गठबन्धन सरकारका कृषि मन्त्री बेदुराम भुसाललाई म प्रश्न गर्न चाहन्छु ।
कृषि क्षेत्रको लागि के हो एउटा काम भनिदिनुस् । दूध किसानको हालत उस्तै छ, मिल्क होलिडे सुरु भएको छ, भुक्तानी पाएका छैनन्, अब यो सरकार र कृषि मन्त्रीलाई ब्युँझाउनलाई किसानहरूले पालेका पशु चौपाया ल्याएर सिंहदरबार हुल्दिने हो कि बालुवाटार हुल्दिने हो रु नत्र सरकार ब्युँझिँदैन ।’
