काठमाडौं । पार्टीहरुले निर्वाचनलाई मिसन बनाउँदा देश बिग्रिएको भन्दै नेपाली कांग्रेसका उपसभापति धनराज गुरुङले चिन्ता ब्यक्त गरेका छन् ।
आइतबार सानेपामा पार्टीको मुखपत्र ‘नेपाल पुकार’को विमोचन कार्यक्रममा बोल्दै गुरुङले निर्वाचनलाई मिसन बनाउँदा देश बिग्रिएको बताएका हुन् ।
मिसन ०८४ कता–कता सुन्छु, चुनाव जिताइदिऔँ भन्ने मिसनले देश बिग्रेको छ। कांग्रेसको मिसन सुशासन हुनुपर्छ,’उनले भने ।
पार्टीका नेता एकार्काप्रति गालीगलौजमा उत्रने गरेको गुरुङको भनाई छ ।
‘राजनीतिक दलको साझा शत्रु गरिबी, रोग, भोक, भ्रष्टाचार हो भन्न सकेनौँ,’ उनले भने । कानुन न्याय तथा संसदीय मामिला मन्त्री समेत रहका गुरुङले भ्रष्टाचारको फाइल खोल्दा खोल्दै आफ्नो हात गलिसकेको बताएका छन् ।
