काठमाडौँ । सांसद सुनिल शर्माको सर्टिफिकेट नक्कली भएको प्रमाण भेटिएको छ । केन्द्रीय अनुसन्धान ब्युरो (सीआईबी) को टोलीद्वारा पक्राउ परेका कांग्रेस नेता तथा प्रतिनिधिसभा सदस्य शर्मामाथि फर्जी कागजात बनाएको अभियोग लागेको हाे । उनले शैक्षिक प्रमाणपत्र कीर्ते गरेको पाइएको प्रहरी प्रवक्ता तथा डीआईजी कुवेर कडायतले जानकारी दिए ।
शर्मा काठमाडौँ मेडिकल कलेज र विराटनगरस्थित नोबल मेडिकल कलेजका सञ्चालक हुन् ।
सीआईबीको टोलीले बिहीबार उनलाई राजधानीको टोखा क्षेत्रबाट पक्राउ गरेको हो । शर्मा गत मंसिरमा सम्पन्न निर्वाचनमा मोरङ ३ बाट प्रत्यक्ष निर्वाचित भएका थिए ।
ब्युरोले उनीमाथि अनुसन्धान भइरहेको जनाएको छ ।
