काठमाडौं । सिनर्जी पावपर डेभलपमेन्ट लिमिटेडको अवितरित हकप्रद शेयर लिलामीमा ल्याउने भएकाे छ । कम्पनीकाे सर्वसाधारण समूहको ५ लाख ६३ हजार २६१ कित्ता हकप्रद शेयर लिलामीमा आउने भएको हाे ।
कम्पनीले २ः१ को अनुपातमा हकप्रद शेयर भदौ ३ गतेदेखि भदौ ३१ (म्याद थप समेत) गतेसम्म बिक्री खुल्ला गरी आवेदन खुलाएको थियो । उक्त हकप्रदमा पूर्ण आवेदन नपरेपछि बिक्री हुन नसकेको शेयर लिलाम बढाबढ गरी बिक्री गर्न लागेको हो ।
शेयर खरिद गर्न इच्छुक जो–कोहीले कात्तिक १ गतेदेखि कात्तिक १५ गतेसम्म खरिद गर्न चाहेको कित्ता र रकमसमेत खुलाई आवेदन पेश गर्न सक्ने कम्पनीले जनाएकाे छ ।
त्यस्तै, शेयरको न्यूनतम मूल्य प्रतिशेयर १०० रुपैयाँ तोकिएको छ ।
