काठमाडौं । सानिमा क्यापिटल लिमिटेडले १२ प्रतिशत नगद लाभांश (कर सहित) घोषणा गरेको छ ।
यस कम्पनीले लाभांश प्रस्ताव पारित गर्न कात्तिक २६ गते साधारण सभा बोलाएको छ ।
सभा कम्पनीको रजिष्टर्ड कार्यालयमा आयोजना गरिएको छ । सभामा आर्थिक वर्ष २०८०–८१ को सञ्चालक समितिको वार्षिक प्रतिवेदन, वासलात, नाफा नोक्सानलगायतका विषयमा छलफल हुनेछ ।
त्यस्तै, आर्थिक वर्ष २०८१–८२ का लागि लेखापरीक्षक नियुक्ति गरी पारिश्रमिक निर्धारण गर्ने एजेन्डा पनि छ ।
