काठमाडौं । प्रभु महालक्ष्मी लाइफ इन्स्योरेन्स कम्पनी लिमिटेडले विभिन्न संस्थापक सेयरधनीको स्वामित्वमा रहेको १६ लाख ४० हजार कित्ता संस्थापक सेयर बिक्रीमा राखेको छ ।
कम्पनीले आजदेखि उक्त सेयर खरिदका लागि आवेदन खुला गरेको हो । हाल कायम संस्थापक सेयरधनीले मात्रै बिक्रीमा राखिएको सेयर खरिदका लागि आवेदन दिन सक्ने कम्पनीले जनाएको छ ।
सेयर खरिद गर्न इच्छुक संस्थापक सेयरधनीले सूचना प्रकाशित भएको मितिले ३५ दिनभित्र आवेदन दिनुपर्नेछ ।
आवेदन कम्पनीको काठमाडौंस्थित कमलादीमा रहेको केन्द्रीय कार्यालयमा बुझाउनुपर्नेछ ।
तोकिएको अवधिभित्र विद्यमान संस्थापक सेयरधनीबाट पर्याप्त आवेदन नपरेमा बिक्री हुन बाँकी सेयर अन्य व्यक्ति तथा कम्पनीलाई बिक्री गर्ने प्रक्रिया अघि बढाइने कम्पनीले जनाएको छ ।
