एजेन्सी । सामसङ ब्राण्डका स्मार्टफोन प्रयोगकर्ताहरुले छिट्टै आफ्नै फोनमा एआई च्याटबट च्याटजीपीटीको प्रयोग गर्न सक्ने भएका छन् ।
कोरियाली प्रविधि कम्पनी सामसङले आफ्नो फोनमा हुने इन्टरनेट ब्राउजरमा नै यो एआईलाई एकीकृत (इन्टिग्रेट) गर्ने भएको हो ।
एन्ड्रोइड अथोरिटीको एक रिपिर्टकाअनुसार यो जानकारी सामसङको इन्टरनेट ब्राउजरको पछिल्लो संस्करणसँगै च्याटजीपीटी पनि एकीकृत भएर रहने देखिएको हो । रिपोर्टकाअनुसार सामसङले कुनै पनि किसिमको ब्राउजरमा च्याटजीपीटीलाई एकीकरण गर्न खोजिरहेको देखिएको छ ।
यसो भएमा प्रयोगकर्ताले च्याटजीपीटीको वेबसाइटमा नगईकनै पनि यसको प्रयोग गर्न सक्नेछन् । इन्टीग्रेटेड रुपमा रहेपछि ब्राउजरकै प्रयोगमा पनि च्याटजिपिटिबाट जानकारीहरु लिने, लेख्न लगाउनेलगायतका कार्यहरु गराउन सकिनेछ ।
सामसङले पछिल्लो समय आफ्ना प्रयोगकर्ताहरुको अनुभवलाई थप परिस्कृत बनाउनका लागि एआईमा आधारित हुन सक्ने विशेषताहरुको खोजी गरिरहेको छ ।
ब्राउजरमा एआईको इन्टिग्रेसनदेखि फोटो खिच्दा पनि एआईको प्रयोगलगायतका कुराहरुमा सामसङले काम गरिरहेको छ ।
