काठमाडौँ । सामसुङले इन्स्टा फाइनान्स सेवा सञ्चालनमा ल्याएको छ । यो सँगै ग्राहकलाई १ घण्टामै किस्ताबन्दीमा मोबाइल खरिद गर्न सकिने भएको हो ।
सामसुङ इलेक्ट्रोनिक्सका उपाध्यक्ष सुङजुङ पार्कले नेपालमा इएमआई योजना सार्वजनिक गरेका छन् । उनले सामसुङका मोबाइल खरिद गर्दा बैंकमा जानुपर्ने अप्ठेरो हटेको बताए ।
त्यस्तै निर्देशक प्रणिरत्न स्थापितले स्मार्ट फोन अत्यावश्यक भएको बताए । उनले बैंकिङ फाइनान्स गर्दा धेरै झन्झट रहेको बताए । जसमा ४० प्रतिशत डाउनपेमेन्ट गर्नुपर्ने उनले बताए । यो योजना २५ हजारमाथिका मोबाइलमा लागू हुन्छ । ३ महिना देखि १ वर्षसम्मको किस्ताबन्दीमा मोबाइल ल्याएको हो ।
खरिदकर्ताले नागरिकता र ग्यारेन्टीको नागरिकता र आम्दानीको स्रोत देखाउनु पर्छ । किस्तामा खरिद गर्दा ब्याज लाग्दैन ।
यो सेवा २० शहरको २०० भन्दा बढी पसलमा लागू भएको छ ।
गोल्छा ग्रुपका अध्यक्ष शेखर गोल्छाले हुलास फिन सर्भिस लिमिटेडले १ घण्टामा सेवा दिने बताए । ग्राहकको मोबाइल खरिद क्षमता बढाउन यो योजना ल्याएको उनले बताए । इस्टा फाइनान्सको लागि ४ अर्ब रूपैयाँ प्रयोग हुने बताइएको छ ।
