काठमाडौं । अष्ट्रेलियाको केन्द्रीय बैंकले आफ्नो औपचारिक नगद दर २५ अंकले घटाएर ३.८५ प्रतिशतमा पुर्याएको छ। यो सन् २०२५ को दोस्रो ब्याजदर कटौती हो ।
बैंकले जारी गरेको विज्ञप्तिमा मूल्यवृद्धि (मुद्रास्फीति) लाई स्थिर र नियन्त्रणमा राख्ने उद्देश्यसहित ब्याजदर घटाइएको उल्लेख गरिएको छ।
सन् २०२२ मा उच्च विन्दुमा पुगेको मुद्रास्फीति अहिले धेरै ह्रास भएको छ। बैंकका अनुसार पहिले बढाइएको ब्याजदरले समग्र माग र आपूर्ति सन्तुलनमा ल्याउन मद्दत गरेको छ।
साथै, बैंकले पछिल्ला तीन महिनामा विश्वभर आर्थिक अनिश्चितता बढेको र यसको असर अष्ट्रेलियाली अर्थतन्त्रमा पनि पर्ने भएकाले सावधानीपूर्वक नीति बनाइरहेको जनाएको छ। घरेलु बजारको अवस्था अझै स्पष्ट नभएको र उपभोक्ता तथा व्यवसायीहरूको व्यवहार कसरी परिवर्तन हुन्छ भन्ने कुराले आगामी निर्णयहरूलाई प्रभावित पार्ने बैंकको भनाइ छ।
