काठमाडौं । सोमबार सुनको मूल्य स्थिर रहेको छ । आज नेपाली बजारमा सुन आइतबारकै मूल्यमा कारोबार भईरहेको छ ।
आइतबार प्रतितोला १ लाख १२ हजार रुपैयाँमा कारोबार भएको छापावाल सुन आज पनि सोही मूल्यमा कारोबार भइरहेको नेपाल सुनचाँदी व्यवसायी महासंघले जनाएको छ ।
त्यस्तै, आज तेजावी सुन पनि प्रतितोला १ लाख ११ हजार ४ सय ५० रुपैयाँमा स्थिर छ ।
त्यस्तै आज चाँदीको मूल्य घटेको छ । चाँदीको मूल्य आज तोलामा ५ रुपैयाँले घटेर प्रतितोला १ हजार ४ सय ४० रुपैयाँमा कारोबार भइरहेको छ ।
