काठमाडौँ । इजरायली सेनाले गाजामा गरेको आक्रमणमा कम्तीमा ९० जनाको मृत्यु भएको छ । गाजामा रहेका अस्पताल र राहत केन्द्रमा गएको २४ घण्टामा इजरायलले गरेको आक्रमणमा ९० जनाको ज्यान गएको अलजजिराले जनाएको छ।
यता, अमेरिकी राष्ट्रपति डोनाल्ड ट्रम्पले मध्यपूर्वमा युद्धको लक्षण देखिएको बताइरहेकै समयमा आक्रमण भएको हो। पछिल्लो समय गाजामा राहत लिन पालो कुरेर बसेकाहरू आक्रमणमा परिरहेका छन्।
गाजामा इजरायली सैन्य अड्डा र राहत केन्द्र नजिकै छ। त्यहाँ भीड जम्मा हुने बित्तिकै इजरायली आक्रमणको जोखिम बढ्ने गरेको अन्तर्राष्ट्रिय सञ्चारमाध्यमले जनाएका छन् ।
