काठमाडौँ । तीन कारोबारका दिन लगातार बढेर उच्च बिन्दु नजिक पुगेको सुनको मूल्यमा आज ब्रेक लागेको छ। शुक्रवार नेपाली बजारमा सुनको मूल्य प्रतितोला १ हजार रुपैयाँले घटेको छ।
सुनको मूल्यमा गिरावट आएसँगै आज प्रतितोला १ लाख ७० हजार रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।अघिल्लो दिन सुनको मूल्य ५ सय रुपैयाँले बढ्दै प्रतितोला १ लाख ७१ हजार रुपैयाँमा कारोबार भएको थियो ।
सुन सहित आज चाँदीको मूल्य पनि घटेको छ। चाँदीको मूल्य ५ रुपैयाँले घट्दै प्रतितोला १ हजार ९९० रुपैयाँमा कारोबार भइरहेको महासंघले जनाएको छ ।
