काठमाडौँ । साताको पहिलो कारोबारका दिन नेपाली बजारमा सुनको मूल्य तोलामा ३०० रुपैयाँ बढेको छ।
अघिल्लो कारोबारका दिन प्रतितोला एक हजारले घटेको सुनको मूल्य आज बढोत्तरी आएको हो । नेपाल सुनचाँदी व्यवसायी महासंघका अनुसार आज सुनको मूल्य एक लाख ७० हजार ३०० रुपैयाँमा कारोबार भइरहेको छ।
यता, चाँदीको मूल्य प्रतितोला एक हजार ९७० रुपैयाँमा खरिदबिक्री भइरहेको छ ।
सुनचाँदीको मूल्य बढ्ने आधार कायम रहेकोले सुनको मूल्यमा थप वृद्धि आउने महासंघले जनाएको छ ।
