काठमाडौं । क्रेष्ट माइक्रो लाइफ इन्सुरेन्सले बिक्री खुला गरेको आइपीओमा १४ करोड ३६ लाख २६ हजार रुपैयाँ बराबरको आवेदन परेको छ ।
वैदेशिक रोजगारीमा गएका नेपालीका लागि मात्र खुला गरेको आइपिओमा आज साझसम्म ५१ हजार ४९८ जनाले १४ लाख ३६ हजार २६० कित्ताका लागि आवेदन परेको सीडीएसका अनुसार आज अन्तिम दिन (माघ २९ गते) साँझ ५ः०६ बजेसम्म सीडीएसले जनाएको छ । जुन मागभन्दा ६.३८ गुणा बढी आवेदन हो ।
कम्पनीले माघ १५ गतेदेखि वैदेशिक रोजगारीमा रहेका नेपालीलाई २ लाख २५ हजार कित्ता सेयर निष्कासन खुला गरेको हो । कम्पनीले प्रतिकित्ता १०० रुपैयाँका दरमा २२ लाख ५० हजार कित्ता आइपीओ जारी गर्न नेपाल धितोपत्र बोर्डबाट अनुमति पाएको थियो ।
जसमध्ये १० प्रतिशत अर्थात, २ लाख २५ हजार कित्ता सेयर वैदेशिक रोजगारीमा रहेका नेपालीलाई निष्कासन खुला गरेको हो ।
