काठमाडौँ । नेपाल धितो पत्र बोर्डले खानी खोला हाइड्रोपावर कम्पनीलाई १०० प्रतिशत हकप्रद शेयर ल्याउने अनुमति दिएको छ। बोर्डले कम्पनीलाई आज असार १० गते हकप्रद निष्कासन गर्न अनुमति दिएको हो।
धितो पत्र बोर्डले खानी खोला हाइड्रोपावरलाई चुक्ता पुँजीको १ः१ अनुपातमा अर्थात् १०० प्रतिशत हकप्रद शेयर जारी गर्न अनुमति दिएको हो। अब कम्पनीले आफ्ना सेयर धनीहरूलाई ४६ करोड ५७ लाख १४ हजार ३०० रुपैयाँ बराबरको हकप्रद शेयर जारी गर्नेछ।
जसअनुसार कम्पनीले १०० रुपैयाँ अंकित दरका कुल ४६ लाख ५७ हजार १४३ कित्ता हकप्रद शेयर बिक्री गर्नेछ। हकप्रद बिक्रीपछि कम्पनीको चुक्ता पुँजी ९३ करोड १४ लाख २८ हजार ६०० रुपैयाँ पुग्नेछ।
