काठमाडौं । नेपाली बजारमा आज सुनको मूल्य घटेको छ । आज सुन तोलामा ५ सय रुपैयाँले घटेको हो ।
नेपाली बजारमा आज छापावाला सुन प्रति तोला १ लाख १० हजार ५ सय रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ ।
त्यस्तै तेजावी सुन प्रति तोला १ लाख ९ हजार ९५० रुपैयाँमा कारोबार भइरहेको महासंघले जनाएको छ ।
बुधबार छापावालाको सुनको मूल्य तोलाको १ लाख ११ हजार रुपैयाँ र तेजावी सुनको मूल्य १ लाख १० हजार ४५० रुपैयाँ कारोबार भएको थियो ।
आज चाँदीको मूल्य पनि तोलामा २५ रुपैयाँले घटेको छ । आज चाँदीको मूल्य तोलामा २५ रुपैयाँले घटेर प्रति तोला १ हजार ३६० रुपैयाँमा कारोबार भइरहेको छ ।
