काठमाडौं । चालु आर्थिक वर्ष २०८२/८३ को पहिलो आठ महिना (साउन–फागुन)मा जीवन बीमा कम्पनीहरूको व्यवसाय उल्लेखनीय रूपमा विस्तार भएको छ। नेपाल बीमा प्राधिकरण ले सार्वजनिक गरेको तथ्यांकअनुसार १४ जीवन बीमकले नवीकरण बीमालेखबाट मात्रै ९६ अर्ब ५७ करोड ८२ लाख रुपैयाँ बीमाशुल्क संकलन गरेका छन्।
यो रकम अघिल्लो आर्थिक वर्ष २०८१/८२ को सोही अवधिको ८५ अर्ब ६१ करोड ९३ लाख रुपैयाँको तुलनामा १२.८० प्रतिशतले बढी हो।
दोस्रो स्थानमा रहेको लाइफ इन्स्योरेन्स कर्पोरेसन नेपाल ले ११ अर्ब ३० करोड २० लाख रुपैयाँ नवीकरण बीमाशुल्क संकलन गरेको छ भने तेस्रो स्थानमा रहेको नेसनल लाइफ इन्स्योरेन्स ले १० अर्ब ९६ करोड ४ लाख रुपैयाँ संकलन गरेको छ, जसमा ७.७६ प्रतिशत वृद्धि देखिएको छ।
यसैगरी हिमालयन लाइफ इन्स्योरेन्स ले १० अर्ब १८ करोड १५ लाख रुपैयाँ संकलन गर्दै अघिल्लो वर्षको तुलनामा ६.६१ प्रतिशत वृद्धि हासिल गरेको छ।
अन्य कम्पनीहरूतर्फ हेर्दा, राष्ट्रिय जीवन बीमा कम्पनी ले ७ अर्ब ७८ करोड ९४ लाख रुपैयाँ संकलन गर्दै सबैभन्दा उच्च १०३.४० प्रतिशत वृद्धिदर हासिल गरेको छ। त्यस्तै सूर्यज्योति लाइफ इन्स्योरेन्स (५ अर्ब ५४ करोड २६ लाख), एसियन लाइफ इन्स्योरेन्स (४ अर्ब ७८ करोड ३१ लाख), सिटिजन्स लाइफ इन्स्योरेन्स (३ अर्ब २१ करोड ९९ लाख) र सानिमा रिलायन्स लाइफ इन्स्योरेन्स (३ अर्ब ६१ करोड ९० लाख) ले पनि दोहोरो अंक नजिक वा माथिको वृद्धि दर कायम गरेका छन्।
त्यसैगरी मेटलाइफ ले ३ अर्ब २३ करोड ६३ लाख, आइएमई लाइफ इन्स्योरेन्स ले २ अर्ब ८० करोड ११ लाख, रिलायबल नेपाल लाइफ इन्स्योरेन्स ले २ अर्ब ६२ करोड ८२ लाख, प्रभु महालक्ष्मी लाइफ इन्स्योरेन्स ले २ अर्ब ६१ करोड ८ लाख र सन नेपाल लाइफ इन्स्योरेन्स ले २ अर्ब ६ करोड ८२ लाख रुपैयाँ नवीकरण बीमाशुल्क संकलन गरेका छन्। यी कम्पनीहरूमा पनि ६ प्रतिशतदेखि २१ प्रतिशतसम्मको वृद्धि देखिएको छ।
