काठमाडौँ । चालु आर्थिक वर्षको दुई महिनामा जीवन लघुबीमा कम्पनीहरुले करिब ७ करोड रुपैयाँ बीमा शुल्क आर्जन गरेका छन् । बीमा प्राधिकरणको तथ्याङ्गका अनुसार चालु आर्थिक वर्षको साउन र भदौ महिनामा लघुबीमाहरुले ६ करोड ९६ लाख ४२ हजार रुपैयाँप्रिमियम संकलन गरेका हुन् ।
दुई महिनाको अवधिमा गार्डियन माइक्रो लाइफले सबैभन्दा बढी ३ करोड ३३ लाख रुपैयाँ बीमा शुल्क आर्जन गरेको छ । भदौ महिनामा मात्र गार्डियनले १ करोड ४५ लाख प्रिमियम संकलन गरेको छ।
त्यस्तै, दोस्रोमा क्रेष्ट माइक्रो लाइफले २ करोड ६३ लाख प्रिमियम संकलन गरेको छ। भदौमा मात्र कम्पनीले १ करोड ३४ लाख प्रिमियम संकलन गरेको छ। र लिबर्टी माइक्रो लाइफले ९९ लाख रुपैयाँको बीमा शुल्क संकलन गरेको छ। कम्पनीले भदौमा मात्र ४७ लाख रुपैयाँ संकलन गरेको छ।
