काठमाडौँ । नयाँ बानेश्वर क्षेत्रमा जेन जी प्रदर्शनकारीले संसद् घेराउ गर्ने प्रयाससँगै ढुंगामुढा भएपछि काठमाडौं जिल्ला प्रशासनले कर्फ्यु आदेश जारी गरेको छ ।
कर्फ्यु आदेश जारी भएपछि सेनासमेत बानेश्वर क्षेत्रमा परिचालन गरिएको छ । प्रशासनले माइतीघर, नयाँ बानेश्वर, तीनकुने र शंखमुल आसपास राति १० बजेसम्मका लागि कर्फ्यु लगाएको हो ।
त्यस्तै, राष्ट्रपति निवास शीतल निवास वरपर, महाराजगन्ज, उपराष्ट्रपति निवास लैनचौर, सिंहदरबार परिसर र प्रधानमन्त्री निवास बालुवाटार आसपासमा पनि कर्फ्यु आदेश थप गरिएको छ ।
