काठमाडौँ । ट्रेड टावर लिमिटेडको आईपीओ शेयरधनीहरूको डिम्याट खातामा जम्मा भएको छ । सीडीएससीले असार २२ गते आइतबार साँझ शेयर परेकाहरूको डिम्याट खातामा शेयर पठाएको हो ।
ट्रेड टावरको आईपीओ नेपाल स्टक एक्सचेन्ज (नेप्से) मा छिटै नै सूचीकृत हुने जनाइएको छ । नेप्सेमा सूचीकृत भएको भोलिपल्टदेखि नै सिम्बोलबाट शेयर कारोबार गर्न सकिनेछ ।
नेप्सेले ट्रेड टावर लिमिटेडको शेयरको पहिलो कारोबारको लागि १२३.०९ देखि ३६९.२७ रुपैयाँसम्मको बीचमा मूल्य दायरा तय गर्ने अपेक्षा गरिएको छ। बिक्री प्रबन्धक लक्ष्मी सनराइज क्यापिटलले गत असार १ गते कम्पनीको आईपीओ बाँडफाँट गरेको थियो ।
ट्रेड टावरको आईपीओ कुल आवेदकमध्ये गोलाप्रथाबाट ३ लाख २९ हजार ६ सय ५० जनाले सेयर पाएका थिए।
