तिहारको बिदामा पढनुहोस शेयर बजारसँगै वित्तीय क्षेत्रबारे जानकारी दिने यी ७ पुस्तक

तिहारको अवसरमा विद्यालय लगायत धेरै सरकारी तथा गैरसरकारी कार्यालयहरूले लामो बिदा समेत दिदिएका छन् । यो समयको सही सदुपयोग गर्न सकियो भने धेरै फाइदा हुनसक्छ । पारिवारिक भेटलाई अर्थपूर्ण बनाउनको लागि भन्दै मदिरा नै पिउनुपर्छ भन्ने मान्यतालाई त्यागेर रमाइलो भेटघाट र पारिवारिक गफगाफका साथै केही ज्ञानवर्धक पुस्तकहरू पढेर पनि दसैँलाई यादगार बनाउन सकिन्छ । 

विजनेसपाटी मिडियाले बजारमा ल्याएको बैङ्क तथा वित्तीय संस्थाबारे आधारभूत जानकारी दिने ‘बैङ्क, वित्त क्षेत्र र अर्थतन्त्र’ पुस्तकमा ‘क’ वर्गका सबै वाणिज्य बैकहरूको प्रोफाइल समेटिएको छ । यसै गरी पुस्तकमा विकास बैङ्क, फाइनान्स कम्पनी, लघुवित्त कम्पनी, बिमा कम्पनी, रेमिटेन्स कम्पनी र सहकारीहरूबारे पनि उल्लेख गरिएको छ । यो पुस्तकका लेखक आर्थिक पत्रकारितामा सक्रिय रिसव गौतम हुन् । बैङ्क तथा वित्तीय संस्थाको बारेमा जान्न इच्छुक हुनहुन्छ भने तपाईँको लागि यो पुस्तक पढ्नु फाइदाजनक हुनेछ ।

यदि तपाई बीमाको बारेमा जान्न इच्छुक हुनहुन्छ भने यो दसैँ तथा तिहारको बिदामा तपाईँले बिमाविद डा. रवीन्द्र घिमिरेले लेख्नुभएको इन्स्योरेन्स थेउरी एन्ड प्राक्टिस नामक पुस्तक पढ्न सक्नुहुन्छ । यस पुस्तक नेपालमा बिमा क्षेत्रमा हुने घटना–परिघटना तथा नेपाली बिमा परिवेशलाई समेटेर तयार पारिएको छ । बुद्ध पब्लिकेशनबाट प्रकाशित यो पुस्तक मुलुक भरिका पुस्तक पसलमा पाइन्छ ।

सेयर बजार विश्लेषक रवीन्द्र भट्टराई ले लेख्नुभएको शेयर मन्त्र नामक पुस्तक पनि तपाइले तिहारको बिदाको समयमा पढ्न सक्नुहुन्छ । यो पुस्तकमा शेयर वजारसम्वन्धी रहेका विभिन्न किसिमका भ्रमहरू चिर्न, लगानी प्रति सर्वसाधारणलाई उत्प्रेरित गर्न, राम्रो प्रतिफलका लागि सेयर छनौट गर्ने र पोर्टफोलियो बनाउने रणनीति सिकाउने मन्त्र हरू प्रदान गर्न सहयोगी हुनेछ  विश्वास गरिएको छ ।

सेयर बजारकै बारेमा थप जान्नको लागि यो दसैँ तिहारको छुट्टीमा तपाईँले सेयर बजार विश्लेषक रवीन्द्र भट्टराईले लेखेको पुस्तक सेयरबाट करोडपति पनि पढ्न सक्नुहुन्छ । पैसाको दास नबन, पैसालाई दास बनाऊ भन्ने पुस्तक निष्कर्ष हो । यस पुस्तकमा सेक्स र सेयर बिच किन तुलना गरिएको छ ।

सेयर, कमोडिटिज तथा विदेशी मुद्राको प्राविधिक विश्लेषण सेयर बजार विश्लेषक पनि सेयर बजार विश्लेषक रवीन्द्र भट्टराईले नै लेखेको पुस्तक हो यो पुस्तकमा प्राविधिक विश्लेषण गर्ने तरिकालाई अझ सरल र सजिलो ढङ्गबाट प्रस्तुत गरिएको छ । यस्तै रेखाचित्रको माध्यमबाट सेयर बजारको घटबढको विश्लेषण गर्ने सरल तरिकाहरू यो किताबमा सिकाइएको छ ।

यदि तपाइलाई जीवन बिमा सम्बन्धी जानकारी लिन मन छ भने तपाईँले यसपालिको दशैँतिहारको छुट्टीमा रवीन्द्र भट्टराईको बिमा सम्बन्धी पुस्तक ‘जीवन बिमा’ पढ्नु लाभदायक हुनसक्छ ।  यो पुस्तकमा बिमा बजारको गुणस्तरीयतामा वृद्धि, जीवन बिमा अभिकर्ताको क्षमता अभिवृद्धि गर्न बिमा ऐन र नियमावलीका बारेमा उल्लेख गरिएको छ ।

यदि तपाई नयाँ विजिनेश आइडियाको विषयमा सोचिरहनुभएको छ भने दशैँतिहारको फुर्सदिलो समयमा लेखक थोमस के. मेकनाइटले लेखेको विल इट फ्लाई नामक पुस्तक पढ्न सक्नुहुन्छ । यो पुस्तकमा लेखकले आफ्नो अनुभवको आधारमा ४४ बुँदाको चेक लिस्ट बनाएका छन् । जसले तपाइलाई पर्सनल विजिनेश एटिच्यूटको आङ्कलन गर्न सहायक हुनेछ । यो पुस्तकमा दिइएको टिप्सबाट तपाईँले सफल विजिनेशको एक स्पष्ट अवधारणा बनाउन सक्नुहुन्छ ।