काठमाडौँ । राजधानीको तीनकुनेमा राजावादी र प्रदर्शनकारीहरूबिच झडप भएको छ । राजावादीले निषेधित क्षेत्र पार गर्दै बानेश्वरतर्फ अघि बढेपछि प्रहरीले लाठीचार्ज गरेको हो ।
प्रदर्शनकारी र प्रहरीबिच भएको झडपमा केही आन्दोलनकारी सहित प्रहरी समेत घाइते भएको जनाएको छ । प्रहरीले लाठीचार्जका साथै केही राउण्ड अश्रुग्याँस समेत प्रहार गरेको छ ।
अहिले तीनकुने क्षेत्रमा राजावादी प्रदर्शनकारीले राजतन्त्रको पक्षमा प्रदर्शन गर्दै बानेश्वरतर्फ अघि बढ्ने प्रयास गरिरहेका छन्। दुर्गा प्रसाईँ सवार गाडी अनियन्त्रित रूपमा निषेधित एरिया पार गरेसँगै दुई पक्षबिच झडप भएको हो ।
