काठमाडौँ। पछिल्लो केही कारोबारका दिन लगातार उकालो लागेको सुनको मूल्यले आज पनि निरन्तरता पाएको छ । घरेलु बजारमा आज यस साताको पहिलो कारोबारका दिन सुन तोलामा १६ सयले बढेको छ ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला १ लाख ५५ हजार ७ सय रुपैयाँमा कारोबार भइरहेको छ । शुक्रवार प्रतितोला १ लाख ५४ हजार १ सय रुपैयाँमा कारोबार भएको थियो ।
यस्तै आज चाँदीको मूल्य पनि बढेको छ। चाँदीको मूल्य १५ रुपैयाँले बढ्दै प्रतितोला १ हजार ८६० रुपैयाँमा कारोबार भइरहेको छ ।
