काठमाडौँ। शेयर बजारमा कारोबार साताको दोस्रो दिन दोहोरो अंकको वृद्धि भएको छ । उक्त दिन बजार २२.१४ अंकले बढेर २७६०.२१ को विन्दुमा कायम भएको छ ।
उक्त दिन ११ अर्ब ३१ करोड ५२ लाख ७ हजार रुपैयाँको शेयर कारोबार भएको छ। बजारमा बढेसँगै सहास ऊर्जा लिमिटेडको सर्वाधिक कारोबार भएको छ। कम्पनीको ३८ करोड १७ लाख ८७ हजार रुपैयाँ बराबरको कारोबार भएको हो।
त्यस्तै, हिमालयन रिइन्स्योरेन्सको २६ करोड १५ लाख ३५ हजार रुपैयाँ बराबरको सेयर खरिद बिक्री भएको छ। उक्त दिन अरुण भ्याली हाइड्रोपावर डेभलपमेन्टको २५ करोड १० लाख ६९ हजार रुपैयाँ, सानिमा माई हाइडेपावरको २२ करोड ७६ लाख ७१ हजार रुपैयाँ कारोबार भएको छ ।
