काठमाडौँ । पछिल्ला केही वर्षहरूमा नेपालमा सवारीसाधन अपरिहार्य र अनिवार्य उपभोग्य वस्तु बन्न पुगेका छन् । यसले मानिसको दैनिकी र जीवनसँग प्रत्यक्ष सम्बन्ध राखिरहेको छ । मानव जीवनका अभिन्न अंग बनेका तिनै सवारीसाधन सम्बन्धी जानकारी दिने उद्देश्यले नेपालमा ग्राहकलक्षित अटो मेला आयोजना गर्ने थालनी नाडा अटोमोबाइल एसोसिएसनले गरेको थियो । यस पटक भने नेपाली बजारमा हुने अटो मेलाको दौडमा नाइमा नेपाल पनि मिसिएको छ ।
नाडाले वि.सं. २०५५ सालको कार्तिक १९ गतेदेखि २२ गतेसम्म पहिलो पटक नाडा अटो सो आयोजना गरेको थियो । नाडाको आयोजनामा यस पटक आगामी भदौ ३ गतेदेखि ८ गतेसम्म १७औँ संस्करणको नाडा अटो सो हुँदैछ । यता स्थापनाको पहिलो वर्षमा हिँडिरहेको नाइमाले पहिलो पटक अटो शो आयोजना गर्ने आँट देखाएको हो । नाइमाले आगामी साउन २१ देखि २५ गतेसम्म नाइमा नेपाल मोबिलिटी एक्पो आयोजना गर्न लागेको छ । दुवै अटो मेला काठमाडौँको भृकुटीमण्डपमा हुने गरी कार्यक्रमको तालिका बनाइएको छ । नाडा नेपाल र नाइमा दुवै अटोमोबाइल व्यवसायीको उस्तै प्रकृतिको छाता संगठन भएपनि आयोजकहरू अटो मेला एकअर्काको भन्दा फरक हुने राय राख्छन् ।
लिगेसीलाई निरन्तरता दिने तयारीमा नाडा
नाडाले यस पटक हुने अटो मेलामा समग्र अटो क्षेत्रलाई समेट्ने तयारी भइरहेको जनाएको छ । नाडाका पदाधिकारीहरूका अनुसार यस वर्षको अटो शोमा नेपाली ब्रान्डहरूलाई विशेष प्राथमिकता दिइनेछ ।
नाडाका अध्यक्ष करण चौधरीले उक्त शोमा नेपाली ब्रान्डसहित अधिकांश स्पेयर पाट्र्स कम्पनीहरूले भाग लिने बताए । यस पटक आफूहरूले ग्राहक तथा अवलोकनकर्ताका लागि सरप्राइज दिने तयारी गरेको पनि उनले उल्लेख गरेका छन् ।
त्यस्तै, एमएडब्लू ग्रुपले डिपल, नामी, सेरेस ब्रान्डका गाडी तथा फोटोन र सोकोनजस्ता लाइट कमर्सियल गाडी प्रदर्शनी गर्नेछ। यामाहाका मोटरसाइकलहरू पनि प्रदर्शनीमा राखिनेछन् ।
बीवाइडीले भने नाडा र नाइमा दुवै शोमा भाग लिने पक्का भइसकेको छ । कम्पनीले नाडा अटो शोमा ३ देखि ४ नयाँ मोडलका गाडीहरू प्रदर्शन गर्ने तयारी गरेको छ ।
यसपटकको अटो शोमा सिएटलगायत थुप्रै टायर, लुब्रिकेन्ट्स र हेल्मेट कम्पनीहरू सहभागी हुँदैछन् । बैंक, वित्तीय संस्था र बीमा कम्पनीहरूले अघिल्ला वर्षझैं यसपटक पनि स्टल राख्नेछन् ।
नाडा अटो शोमा नेपालमै उत्पादन भएका ब्रान्डहरूलाई विशेष प्राथमिकता दिइने नाडाले स्पष्ट पारेको छ । सिप्रदी र यात्रीको संयुक्त प्रयासमा बनेको ‘यात्री स्कुटर’को प्रोटोटाइप समेत यसपटकको शोमा सार्वजनिक गरिनेछ ।
यात्री कम्पनीले स्कुटर र मोटरसाइकल उत्पादन गर्दै आएको छ र नाडा अटो शोमार्फत सो स्कुटरलाई आम बजारमा ल्याउने तयारी गरिएको हो ।
चार पांग्रे सवारीतर्फ :
दुई पांग्रे सवारीतर्फ :
साना मालवाहक सवारी (एलसिभी) तर्फ :
पाटपुर्जा तथा सहायक उपकरणहरूतर्फ :
नाइमा मोबिलिटी एक्स्पो २०२५ को तयारी यस्तो
नाइमा नेपालकी अध्यक्ष ऋतुसिंह वैद्य नाडा अटो शोको तुलनामा नाइमा मोबिलिटी एक्स्पोको ढाँचा नै फरक हुने दाबी गर्छिन् । एक्स्पोमा ग्राहकहरूका लागि लर्निङ प्रोग्राम समेत सञ्चालन गरिने उनको भनाइ थियो ।
नाइमाले गत गत वैशाख २२ देखि २९ गतेसम्म एक्स्पोमा सहभागी हुन चाहने ब्राण्डका लागि स्टल बुकिङ खुलाएको थियो । जसमा दुईपाँग्रे, चारपाँग्रे र कमर्शियल गरी ५० ब्राण्डले स्टल बुकिङ गरेका थिए । नाइमा मोबिलिटी एक्स्पोमा २३ वटा चारपाँग्रे, १९ वटा दुईपाँग्रे र ८ वटा कमर्शियल ब्राण्ड सहभागी हुने बताइएको छ ।
यी हुन् नाइमा मोबिलिटी एक्स्पोमा सहभागी हुने ब्राण्डहरू
चारपाँग्रे : बीवाइडी, सिट्रोन, फोरर्थिङ, ग्रेटवाल मोटर्स, हेनरी भोल्टास, हुन्डाई, केई, किया, लीपमोटर, एलईभी १, महिन्द्रा, म्याक्सस, माज्दा, एमजी, मित्सुविशी, निसान, ओमोडारजेको, प्युजो, प्रोटोन, रेनो, टोयोटा, फस्कवागेन र जीकर ।
