काठमाडौं : नेको इन्सुरेन्सको हकप्रद सेयरमा आवेदन दिने म्याद थपिएको छ । उक्त इन्सोरेन्सको सेयरमा अब चैत १४ गते बिहीबारसम्म आवेदन दिन सकिने छ ।
यसअघि तोकिएको समय थपेर १४ गतेसम्म पुर्याइएको हो । सुरुमा फागुन २८ गतेसम्म हकप्रद भर्ने म्याद थियो। तर, उक्त समयमा मागअनुसार आवेदन नपरेकाले आवेदन दिने समय थपेर चैत १४ गतेसम्म कायम गरिएको कम्पनीले जनाएको छ ।
नेको इन्सुरेन्सले फागुन ८ गतेदेखि २५ प्रतिशत हकप्रद सेयर बिक्री खुला गरेको हो । कम्पनीले ४ः१ अनुपातमा ५० लाख ३० हजार ९०१.५५ कित्ता हकप्रद सेयर जारी गरेको छ ।
जसअनुसार यसले १ सय अंकित मूल्यमा ५० करोड ३० लाख ९० हजार १५५ सय रुपैयाँ बराबरको हकप्रद सेयर निष्कासन गरेको हो ।
