काठमाडौं । नेपाल इलेक्ट्रोनिक पेमेन्ट सिस्टम्स लिमिटेड (नेप्स) ले आइपीओ निष्काशन गर्ने भएको छ । कम्पनीले प्रिमियममा आइपीओ निष्काशन गर्ने भएको हाे ।
कम्पनीले आइपीओ निष्काशन गर्ने प्रस्तावसहित साधारण सभा डाकेको छ ।
कम्पनीले कात्तिक २३ गते आरण्य बुटिक होटल, हात्तीसार, काठमाडौंमा दिउँसो ४ बजेदेखि सुरु गर्ने गरी सभा डाकेको छ ।
सभामा कम्पनीले प्रिमियम मूल्य सहित आइपीओ जारी गर्ने सम्बन्धमा विशेष प्रस्ताव पेश गर्नेछ ।
साथै, गत आवको नाफाबाट शेयरधनीलाई २० प्रतिशत बोनस शेयर र कर तिर्न १.०५३५ नगद लाभांश वितरण गर्ने प्रस्ताव पनि रहेको छ । आव २०७९/८० को नाफा नोक्सान सम्बन्धी हिसाबका सम्बन्धमा छलफल हुनेछ ।
त्यस्तै, कम्पनीले आव २०८०।८१ का लागि लेखापरीक्षक नियुक्ति र पारिश्रमिक निर्धारण गर्ने एजेन्डा पनि रहने जनाएको छ ।
