काठमाडौँ । नेपाल स्टक एक्सचेञ्ज (नेप्से) मा आज साताको दोस्रो कारोबारका दिन दोहोरो अंकले वृद्धि भएको छ । आज नेप्से २१.७६ अकंले बढेर २८५२ बिन्दुमा कायम भएको छ ।
सोमबार ३११ कम्पनीको ३ करोड ५६ लाख कित्ता शेयर कारोबार हुँदा १६ अर्ब ३२ करोड ७१ लाख रुपैयाको कारोबार भएको छ ।
सेयर बजारमा बढोत्तरी आउँदा सबै उपसूचक हरियाली भएको छ । उक्त दिन थ्रीस्टार हाइड्रोपावर, ट्रेड टावर लिमिटेड र सान्भी इनर्जीको सेयरमा सकारात्मक सर्किट लाएको छ । आज नेप्से सूचकमा उल्लेखनीय सुधार देखिएको छ भने बैंकिङ समूहको शेयर मूल्यमा पनि उछाल आएको छ । बजारमा उत्साह थपिँदा दैनिक कारोबार रकममा समेत सुधार देखिएको छ ।
आज माइक्रो फाइनान्स समूहको सबैभन्दा धेरै अर्थात् १.९३ प्रतिशत बढेको छ। बैंकिङ ०.४८, विकास बैंक १.४२, होटल तथा पर्यटन ०.३०, हाइड्रोपावर ०.४६, लगानी ०.३७, जीवन बीमा ०.०२, उत्पादन तथा प्रशोधन ०.३७, निर्जीवन बीमा १.२७, अन्य १.८४ तथा व्यापार ०.४३ प्रतिशत बढेको छ ।
