काठमाडौँ । चालु आर्थिक वर्षको पहिलो तीन महिनाको अवधिमा जीवन बीमा कम्पनीहरुको खुद नाफा बृद्धि भएको छ ।
कम्पनीहरुले प्रकाशित गरेको वित्तीय विवरण अनुसार हाल सञ्चालनमा रहेका १४ जीवन बीमा कम्पनीहरुले यस अवधिमा एक अर्ब ९२ करोड ४१ लाख रुपैयाँ नाफा कमाएका छन् ।
जुन गत वर्षको सोही अवधीको तुलनामा १८.६२ प्रतिशतले बढी हो ।
गत आर्थिक वर्षको सोही अवधिमा कम्पनीहरुले एक अर्ब ६२ करोड २० लाख रुपैयाँ खुद नाफा आर्जन गरेका थिए ।
समीक्षा अवधिमा मुनाफा आर्जनको आधारमा हिमालयन लाइफ इन्स्योरेन्स र व्यवसाय वृद्धिदरको आधारमा सिटिजन लाइफ अग्रस्थानमा रहेको तथ्यांकले देखाएको छ ।
यस अवधिमा हिमालयन लाइफ इन्स्योरेन्सले २५ करोड ३७ लाख रुपैयाँ नाफा आर्जन गरेको छ ।
यस्तै बृद्धिदरको आधारमा अग्रस्थानमा रहेको सिटिजन लाइफ इन्स्योरेन्सले गत आर्थिक वर्षको तुलनामा ८३.१६ प्रतिशतले बढी नाफा कमाएको छ ।
