काठमाडौं। भारतको आन्ध्र प्रदेशको मार्कापुरम जिल्लामा बिहीबार बिहान भयानक सडक दुर्घटना भएको छ, जसमा कम्तीमा १४ जनाको मृत्यु भएको छ।
स्थानीय टाइल उद्योगको नजिकै, एउटा निजी बस र ट्रक एक आपसमा ठोक्किँदा दुवै सवारीमा आगो लागेको थियो।
मार्कापुरम प्रहरीका डीएसपी हर्षवर्धन राजुले बताएअनुसार, दुर्घटनामा बसमा सवार १४ यात्रिको मृत्यु भएको छ भने अन्य धेरै व्यक्ति घाइते भएका छन्। घटनामा बस र ट्रक दुवै गम्भीर रूपमा जलेका छन्।
यस दुर्घटनाप्रति गहिरो दुःख व्यक्त गर्दै भारतका प्रधानमन्त्री नरेन्द्र मोदीले मृतकका परिवारलाई दुई लाख भारतीय रुपैयाँ र घाइतेलाई पचास हजार रुपैयाँको आर्थिक सहयोग दिने घोषणा गरेका छन्।
