काठमाडौँ। वर्षापछिको बाढीपहिरोका कारण आज विभिन्न राजमार्गका ११ स्थानमा सडक अवरुद्ध भएको छ। ६ वटा सडक पूर्णरुपमा अवरुद्ध हुँदा बाँकी ५ वटाचाहिँ एकतर्फी सञ्चालनमा छन् ।
यसका कारण यातायात आवागमन प्रभावित भएको नेपाल प्रहरीले जानकारी दिएको छ ।
प्रहरी प्रधान कार्यालयका अनुसार नेपाल प्रहरीले बिहीबार बिहान ९ः१६ बजे फेसबुकमार्फत दिएको जानकारीअनुसार धनकुटा, सिन्धुपाल्चोक, काभ्रे, चितवन, नवलपरासी, ग्याग्दी, गुल्मी, जुम्ला र डोटी जिल्लामा पर्ने ती मुख्य राजमार्गका सडक अवरुद्ध बनेका हुन् ।
