काठमाडौँ। बाढी पहिरोको कारण सडक अवरुद्ध भएसँगै अन्तर्राष्ट्रिय विमानस्थलमा हवाई उडानले नयाँ रेकर्ड कायम भएको छ। असोज ११ र १२ गतेको अविरल वर्षाका कारण बाढी पहिरोले विभिन्न सडक सञ्जाल अवरुद्ध हुँदा हवाई चाप बढेको छ ।
सोमबारका दिन त्रिभुवन अन्तर्राष्ट्रिय विमानस्थलबाट साढे ५ सय उडान भएका । एक दिनमा भएको उडानमध्येमा यो नै हालसम्मकै उच्च उडान हो।
यो दिन आन्तरिक उडान र अन्तर्राष्ट्रिय उडान गरी ५५९ उडान भएको विमानस्थलले जनाएको छ।
त्यस्तै, सोमबार आन्तरिकतर्फ हेलिकप्टरसहित २२७ उडान (डिपार्चर) र २२१ अवतरण (अराइभल) भएका छन् । यस्तै अन्तर्राष्ट्रिय उडानतर्फ ५६ अवतरण र ५५ उडान भएका छन् ।
