काठमाडौँ। चालु आर्थिक वर्षको मंसिर मसान्तसम्म जीवन बीमा कम्पनीहरूमा ६ अर्ब बढीको बीमा पोलिसी सरेण्डर भएका छन् ।
प्रस्तुत तथ्यांक अनुसार बीमा पोलिसी परित्याग (सरेण्डर) गर्नेको संख्यामा बढेको देखिएको छ । जीवन बीमा पोलिसी खरिद गरेर तोकिएको अवधि पूरा नभई छाड्नेको संख्या बढेको बीमा प्राधिकरणको तथ्यांकमा उल्लेख छ ।
प्रस्तुत तथ्यांक अनुसार मंसिर मसान्तसम्ममा जीवन बीमा कम्पनीहरूमार्फत ४५ हजार ६० वटा बीमा पोलिसी बापत ६ अर्ब १० करोड रुपैयाँ बराबरको बीमा पोलिसी सरेण्डर भएका छन् ।
त्यस्तै, नेपाल लाइफ दोस्रो स्थानमा रहेको छ । यस अवधिसम्म कम्पनीमा १० हजार ३ सय १७ वटा बीमा पोलिसी बापत १ अर्ब ६९ करोड रुपैयाँ बराबरको बीमा पोलिसी सरेण्डर भएको छ।
बीमा प्राधिकरणको तथ्यांक अनुसार एशियन लाइफको ४० करोड रुपैयाँ, नेशनल लाइफको ३७ करोड रुपैयाँ, सूर्य ज्योति लाइफको ३२ करोड ६४ लाख रुपैयाँ, हिमालयन लाइफको २८ करोड रुपैयाँ र मेट लाइफको १७ करोड रुपैयाँ बराबरको बीमा पोलिसी सरेण्डर भएका छन् ।
