काठमाडौँ । नेपाल राष्ट्र बैंकले नयाँ नोट छपाइका लागि अन्तर्राष्ट्रिय स्तरमा बोलपत्र आह्वान गरेको छ।
राष्ट्र बैंकले ५०० रुपैयाँ दरका २३ करोड थान नयाँ नोट छपाइका लागि बोलपत्र आह्वान गरेको हो । बैंकले उक्त जिम्मेवारी लिने कम्पनी छनोट गर्न आवश्यक प्रक्रिया अघि बढाएको जनाएको छ ।
यसअघि राष्ट्र बैंकले नयाँ नोट छपाइ, डिजाइन र आपूर्तिका लागि योग्य कम्पनीहरूको सूची सार्वजनिक गरिसकेको थियो।
उक्त सूचीमा छ वटा अन्तर्राष्ट्रिय कम्पनीलाई बोलपत्र पेश गर्न अनुमति दिइएको छ।
बैंकले चीन, बेलायत, जर्मनी, रूस, फ्रान्स र पोल्याण्डका प्रतिष्ठित छपाइ कम्पनीहरूलाई छनोट गरेको छ। इच्छुक कम्पनीहरूले २०२५ मे १४ भित्र आवेदन दिनुपर्ने व्यवस्था गरिएको छ।
