काठमाण्डौ। यस अगाडि लगातार तीन कारोबारका दिन घटेको सुनको मूल्यमा आज ब्रेक लागेको छ । बुधवार सुनको मूल्य प्रतितोला २ सय रुपैयाँले बढेको हो ।
आज नेपाली बजारमा सुनको मूल्य प्रतितोला १ लाख ७३ हजार ५ सय रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ। अघिल्लो दिन सुनको मूल्य तोलामा २ सय रुपैयाँले घटेको थियो ।
त्यस्तै आज दुई दिनसम्म स्थिर रहेको चाँदीको भाउमा पनि बृद्धि भएको छ । आज चाँदीको मूल्य १० रुपैयाँले बढ्दै प्रतितोला १ हजार ९९० रुपैयाँ कायम भएको छ ।
