काठमाडौँ । ललिता निवास प्रकरणमा १७ जनालाई पक्राउ गर्ने बाटो खुलेको छ । सर्वोच्च अदालतबाट पक्राउ नगर्न भनी अन्तरिम आदेश लिएका १७ जनालाई पक्राउ गर्ने बाटो खुलेको हाे ।
शुक्रबार सर्वोच्च अदालतले पहिलेको अन्तरिम आदेश खारेज गरेकाे हाे । पहिलेको अन्तरिम आदेश खारेज गरेसँगै उनीहरुलाई पक्राउ गर्ने बाटो खुलेको हो ।
ललिता निवास प्रकरणमा पक्राउ नगर्न भन्दै कलाधर देउजा लगायतका १७ जनाले सर्वोच्च अदालतको एक न्यायाधीशको इजलासबाट अन्तरिम आदेश लिएका थिए । न्यायाधीश ईश्वरप्रसाद खतिवडाको इजलासबाट अन्तरिम आदेश लिएपछि प्रहरीले उनीहरुलाई पक्राउ गर्न सकेको थिएन ।
सोही आदेशविरुद्ध सिआइबी भ्याकेट निवेदन लिएर सर्वोच्च पुगेको थियो । सिआइबीको निवेदनमा सवोच्चले रिट जारी गर्दै पहिलेको अन्तरिम आदेश खारेज गरिदिएको हो ।
